Оқушыларды тасымалдау

Қосшы қаласы № 2 ЖОББМ 1-11 сынып оқушылардың арасында қоғамдық көлік жүрмейтін мекенжайлардан оқушыларды тегін тасымалдау ұйымдастырылған.  Бүгінде оқушыларды жайлы және қауіпсіз тасымалдау – негізгі мәселелердің бірі. Қауіпсіз тасымалдауды қамтамасыз ету мақсатында автобустарды оқу жылының басында техникалық байқаудан өткізіп отырамыз. Бұзылып қалған автобустарға автоқосалқы бөлшектер салып алуға қаржы жергілікті бюджеттен бөлінеді. Сонымен бірге жанаржағармай үшін де қаржы қарастырылған. Аталған қажеттіліктің барлығы мемлекеттік сатып алу бойынша жүзеге асады. Бүгінде мектебімізде 1 автобус қызмет жасайды.  Оқу жылының басында мектептен алыс аудандарда тұратын оқушылардың ата-аналарынан мектеп әкімшілігі атына берілген өтініштері негізінде тізім құрылды. Бүгінгі таңда мектеп автобусына мектеп бойынша жалпы саны 33 оқушы мінеді. І ауысымда 7 оқушы, ІІ ауысымда 26 оқушы тасымалданады.   Оқушылар Қабанбай батыр даңғылымен, Сүйінбай, Ханкөл, Абай, Тұран көшелерімен жүріп оқушыларды тасымалдайды.Мектеп автобусының жұмысы әлі де жүйелі жандануды қажет етеді. Балалар мінетін мектеп автобусы барлық талаптар мен стандарттарға сай болуы шарт. Сондай-ақ тасымалдау қызметі де қауіпсіз және қолайлы болғаны жөн. Себебі бала қауіпсіздігі — бәріміз үшін маңызды.