Бірінші сынып оқушыларының ата-аналарына арналған ақпарат

Қазақстан Республикасы білім және ғылым Министрінің 2018 жылғы 12 қазандағы № 564  бұйрығымен бекітілген  "Бастауыш, орта, жалпы орта білім берудің жалпы білім беру бағдарламаларын іске асыратын білім беру ұйымдарына оқуға қабылдаудың үлгі қағидаларына" сәйкес балаларды қабылдау рәсімі жүзеге асырылады.    

Оқушыларды 1 сыныпқа қабылдау,  2020 жылғы  01 маусымнан бастап 1 тамызға дейін мемлекеттік қызметтің Стандартына сәйкес, akmola.kz. автоматтандырылған жүйе арқылы жүзеге асырылады.

1 сыныпқа автоматты тіркеу ата-аналарға мектепті таңдауға, оқу тілімен танысуға, мектептерге бекітілген мекенжайларды көруге, сондай-ақ оқуға қабылдау үшін құжаттарды беруді жүзеге асыруға және электронды түрде өтініш беруге мүмкіндік береді.         

Балаларды бірінші сыныпқа қабылдау үшін келесі құжаттар қажет:

1) көрсетілетін қызметті алушының ата-анасының біреуінің (немесе өзге де заңды өкілдерінің) электрондық құжат нысанындағы өтініші;    

2)  баланың тууы туралы куәлігінің  электрондық көшірмесі;

3) баланың денсаулық жағдайы туралы анықтамасының  электрондық көшірмесі ( 026/у-3 нысаны);

4) 3х4 см. көлеміндегі цифрлық фото.

Көрсетілетін қызметті берушіге құжаттарды тапсырған сәттен бастап, сондай-ақ портал арқылы-қолхат алу үшін бес жұмыс күні мерзімі беріледі.

Мекен-жайымыз: Лесная поляна тұрғын алабы 18/1,110-112 кабинет
Жұмыс уақыты: 09.00-18.30
Түскі үзіліс: 13.00-14.30